ഇഡി ഉദ്യോഗസ്ഥരെ ആക്രമിച്ച കേസ്: സിപിഎം നേതാക്കൾക്ക് നോട്ടീസ്

അന്വേഷണ സംഘം വിപുലീകരിച്ചു

തിരുവനന്തപുരം: പ്രതിപക്ഷ നേതാവ് പിണറായി വിജയന്‍റെ വീട്ടിൽ റെയ്ഡിനെത്തിയ ഇഡി ഉദ്യോഗസ്ഥരെ ആക്രമിച്ച കേസിൽ അന്വേഷണ സംഘത്തെ വിപുലീകരിച്ചു. കേസിന്‍റെ ഗൗരവവും ഗൂഢാലോചന ആരോപണവും കണക്കിലെടുത്താണ് കൂടുതൽ ഉദ്യോഗസ്ഥരെ ഉൾപ്പെടുത്തി പ്രത്യേക അന്വേഷണ സംഘം (എസ്ഐടി) വിപുലീകരിച്ചത്.

Read വന്ദേമാതരം അപമാനിച്ചാൽ ശിക്ഷ:

മുതിർന്ന നേതാക്കൾക്ക് നോട്ടീസ്

സിപിഎം സംസ്ഥാന സെക്രട്ടറി എം.വി. ഗോവിന്ദൻ, രാജ്യസഭാംഗം ജോൺ ബ്രിട്ടാസ്, എംഎൽഎ വി. ജോയ് എന്നിവർക്ക് അന്വേഷണ സംഘം നോട്ടീസ് നൽകിക്കഴിഞ്ഞു. ആക്രമണം നടക്കുന്ന സമയത്ത് സംഭവസ്ഥലത്ത് ഉണ്ടായിരുന്ന മുതിർന്ന നേതാക്കളെയാണ് ചോദ്യം ചെയ്യുന്നത്. ചില നേതാക്കളെ ഇതിനകം ചോദ്യം ചെയ്തുകഴിഞ്ഞതായും, വരും ദിവസങ്ങളിൽ ചോദ്യം ചെയ്യൽ തുടരുമെന്നും അന്വേഷണ സംഘം അറിയിച്ചു. മുൻ മന്ത്രിമാരും മുൻ എംഎൽഎമാരും ഉൾപ്പെടെയുള്ള മറ്റ് നേതാക്കൾക്കും ഹാജരാകാൻ നിർദേശം നൽകിയിട്ടുണ്ട്.

Read : അയോധ്യ രാമക്ഷേത്ര ട്രസ്റ്റ് സിഇഒ നിയമനം: 18 ഉദ്യോഗാർഥികളുമായി അഭിമുഖം

എന്താണ് അന്വേഷിക്കുന്നത്?

ഇഡി ഉദ്യോഗസ്ഥരെ ആക്രമിച്ച സംഭവത്തിന് പിന്നിൽ മുൻകൂട്ടിയുള്ള ഗൂഢാലോചന ഉണ്ടായിരുന്നോ എന്നും, ആക്രമണത്തിന് മുൻപ് എന്തെങ്കിലും നിർദേശങ്ങൾ നൽകപ്പെട്ടിരുന്നോ എന്നുമാണ് പ്രത്യേക സംഘം പരിശോധിക്കുന്നത്. പിണറായി വിജയന്‍റെ മകൾ വീണ വിജയനുമായി ബന്ധപ്പെട്ട സിഎംആർഎൽ-എക്സലോജിക് സാമ്പത്തിക ഇടപാട് കേസിൽ ചോദ്യം ചെയ്യാനെത്തിയ ഇഡി സംഘം മടങ്ങുന്ന വേളയിലാണ് ആക്രമണം ഉണ്ടായത്.

സൈബർ ഫോറൻസിക് പരിശോധന: എന്ത് കണ്ടെത്തി?

Read Video “നന്മയുള്ളവൻ അനീസ്”; നഷ്ടപ്പെട്ടെന്ന് കരുതിയ പത്ത് പവൻ തിരികെ ഏൽപ്പിച്ചു

നേതാക്കളുടെയും പ്രവർത്തകരുടെയും ഫോൺ സന്ദേശങ്ങളുടെ സൈബർ ഫോറൻസിക് പരിശോധനയാണ് കേസിൽ നിർണായകമാകുന്നത്. ആക്രമണ സ്ഥലത്തേക്ക് സിഐടിയു പ്രവർത്തകരെയും മറ്റും വിളിച്ചുകൂട്ടാൻ ആവശ്യപ്പെടുന്ന ഓഡിയോ സന്ദേശങ്ങൾ ചില ഗ്രൂപ്പുകളിൽ കണ്ടെത്തിയതായി അന്വേഷണ ഉദ്യോഗസ്ഥർ വ്യക്തമാക്കി. എന്നാൽ, അക്രമത്തിന് നേരിട്ട് ആഹ്വാനം ചെയ്യുന്ന സന്ദേശങ്ങൾ ഇതുവരെ കണ്ടെത്തിയിട്ടില്ലെന്നും അവർ വ്യക്തമാക്കി. ആക്രമണം നടന്ന സമയത്തും അതിന് മുൻപും നടന്ന ആശയവിനിമയങ്ങൾ വിശദമായി പരിശോധിച്ചുവരികയാണ്.

Kerala Police’s Special Investigation Team has widened its probe into the attack on ED officials outside Leader of Opposition Pinarayi Vijayan’s residence, issuing notices to CPM state secretary M.V. Govindan, Rajya Sabha MP John Brittas, and MLA V. Joy, with questioning of some leaders already underway.