തട്ടിപ്പുകാരെ പൂട്ടാൻ ആധാർ ഒ.ടി.പി: വാഹന കൈമാറ്റത്തിന് ഇനി നിർബന്ധം

കോഴിക്കോട്: വാഹനങ്ങളുടെ ഉടമസ്ഥാവകാശ കൈമാറ്റവുമായി ബന്ധപ്പെട്ട തട്ടിപ്പുകൾ തടയുന്നതിനായി കേന്ദ്ര ഉപരിതല ഗതാഗത മന്ത്രാലയത്തിന്‍റെ നിർദേശപ്രകാരം പുതിയ സുരക്ഷാ മാനദണ്ഡം നടപ്പിലാക്കി കേരള മോട്ടോർ വാഹന വകുപ്പ്. ഇനി മുതൽ വാഹനങ്ങളുടെ കൈമാറ്റ നടപടികൾ പൂർത്തിയാക്കാൻ ആധാർ അധിഷ്ഠിത ഒ.ടി.പി (OTP) നിർബന്ധമാണ്.

മുൻപ് വാഹനം വിൽക്കുമ്പോൾ ഉടമയുടെയും വാങ്ങുന്നയാളുടെയും ഒപ്പുകളും അനുബന്ധ രേഖകളും നൽകിയാൽ മതിയായിരുന്നു. ഇത് ദുരുപയോഗം ചെയ്ത് വ്യാജ ഒപ്പിട്ടും രേഖകൾ നിർമ്മിച്ചും ഉടമയറിയാതെ വാഹനങ്ങൾ കൈമാറ്റം ചെയ്യുന്ന തട്ടിപ്പുകൾ വ്യാപകമായിരുന്നു. പുതിയ പരിഷ്കാരത്തോടെ ഇതിന് പൂർണ്ണമായും തടയിടാൻ സാധിക്കും.

Read: ഗർഭിണികളായ വനിതാ പോലീസുകാർക്ക് യൂണിഫോം പരിഷ്കരിച്ചു: ചട്ടം സ്വാതന്ത്ര്യദിനം മുതൽ പ്രാബല്യത്തിൽ

പുതിയ മാറ്റങ്ങൾ:

• ആധാർ ഒ.ടി.പി: വാഹനം വിൽക്കുന്നയാളുടെയും വാങ്ങുന്നയാളുടെയും ആധാറുമായി ബന്ധിപ്പിച്ച മൊബൈൽ നമ്പറിലേക്ക് വരുന്ന ഒ.ടി.പി (OTP) നൽകിയാൽ മാത്രമേ കൈമാറ്റ പ്രക്രിയ പൂർത്തിയാകൂ.
• സുതാര്യത: വാഹനം കൈമാറ്റം ചെയ്യുന്ന വിവരം യഥാർത്ഥ ഉടമ ഉടനടി അറിയുമെന്നതിനാൽ തട്ടിപ്പുകാർക്ക് വ്യാജരേഖകൾ ഉപയോഗിച്ച് വാഹനം മാറ്റാൻ സാധിക്കില്ല.
• ഡിജിറ്റൽ സേവനം: മോട്ടോർ വാഹന വകുപ്പിന്‍റെ ‘പരിവാഹൻ’ (Parivahan) പോർട്ടൽ വഴി പൂർണ്ണമായും ഓൺലൈനായാണ് ഈ സേവനം ലഭ്യമാവുക.

Read എന്നും ഓണം, എന്നും പൂക്കളം, വടകര ഈ കുടുംബം കാത്തുസൂക്ഷിക്കുന്നത് 80 വർഷത്തെ പാരമ്പര്യം

വ്യാജ ഉടമസ്ഥാവകാശ കൈമാറ്റം വഴി നടക്കുന്ന സാമ്പത്തിക തട്ടിപ്പുകളും ക്രിമിനൽ കേസുകളിൽ വാഹനങ്ങൾ ഉൾപ്പെടുന്നതും തടയാൻ പുതിയ സംവിധാനം സഹായകരമാകും.

Read അധികാരികളുടെ അനാസ്ഥയ്ക്ക് ഇരയായി മേധ

Read പ്രതിശ്രുത വധു ജീവനൊടുക്കിയതിന് പിന്നാലെ പ്രതിശ്രുത വരനും മരിച്ച നിലയിൽ

ശ്രദ്ധിക്കുക: ഈ സേവനത്തിന് വാഹന ഉടമയുടെ മൊബൈൽ നമ്പർ ആധാറുമായി ബന്ധിപ്പിച്ചിരിക്കണം. ബന്ധിപ്പിച്ചിട്ടില്ലാത്തവർ പരിവാഹൻ പോർട്ടൽ വഴിയോ റീജിയണൽ ട്രാൻസ്പോർട്ട് ഓഫീസ് വഴിയോ അപ്ഡേറ്റ് ചെയ്യേണ്ടതാണ്.

In brief: India’s Ministry of Road Transport and Highways has made Aadhaar-linked mobile OTP mandatory for vehicle ownership transfers, aimed at curbing forged-signature fraud where vehicles were transferred without the owner’s knowledge. Kerala’s Motor Vehicles Department is implementing this via the Parivahan portal — the seller’s Aadhaar-linked number receives an OTP, so the real owner is immediately alerted to any transfer attempt. Vehicle owners whose mobile numbers aren’t yet Aadhaar-linked in Parivahan need to update this before they can use the service.